68 patay kay Usman

MANILA, Philippines — Patuloy ang pagtaas nang bilang ng mga nasawi sa bagyong Usman na umabot na sa 68 katao na sumalanta sa Bicol Region at Eastern Visayas.

Ayon sa Office of Civil Defense (OCD) Region V, nasa 57 ang nasawi na karamihan ay sa landslide sa kanilang rehiyon habang nasa 6 naman ang nairekord na namatay sa pananalasa ng bagyong Usman sa Eastern Visayas.

Kabilang sa 57 nasawi sa Bicol Region ay 15 sa Albay, 23 sa Camarines Sur, 6 sa Sorsogon kung saan apat 4 ay mula sa lungsod ng Sorsogon, anim sa Camarines Norte at 7 sa Masbate.

Nasa 11 katao naman ang nawawala sa Albay at 11 ang nasugatan.