Magsasaka dakip sa P1.5-M shabu

MANILA, Philippines – Nadakip ang isang magsasaka sa isang buy bust operation ng mga operatiba ng Philippine Drug Enforcement Agency (PDEA)  sa terminal ng bus sa Butuan City, kamakalawa.

Ang suspek ay kinilalang si Fahad Miraato, 25 ng Matampay, Marawi City, Lanao del Sur.

Nabatid na isinagawa ang buy bust operation dakong alas-5:00 ng  umaga sa Langihan Integrated Bus Terminal, Barangay Fort Poyohon, Butuan City.

Nagpanggap na poseur buyer ang isang ahente ng PDEA na nagkunwaring bibili ng 200 gramo ng shabu sa suspek at nagkasundo ang mga ito ng magpalitan ng items sa nasabing terminal na kung saan dito ito inaresto.