Kubol ng carnap king sa Bilibid, winasak
MANILA, Philippines – Winasak ng pamunuan ng Bureau of Corrections (BuCor) ang kubol ng lider ng carjacking syndicate na si Raymond Dominguez matapos makakumpiska ng mga kontrabando mula dito sa ikasampung Oplan Galugad Operation kahapon ng umaga sa Muntinlupa City.
Dakong alas-6:00 ng umaga nang salakayin ang kubol ni Dominguez at ang quadrant 1 nakasamsam ng mga drug paraphernalias, air-condition unit, cellphone at iba pang mga appliances, na itinago sa likod ng isang painting ng isang hubad na babae.
Sinuyod din ang quadrant 2 na nasa building 4 at nakakuha rin dito ng 8 cellphones, 10 patalim, tatlong aquarium at P30,000 cash, mula sa isang preso.
Nakita rin sa isang kubol na nagmistulang hardware, dahil nakakuha rito ng sako-sakong construction materials at ilang bakal.
Nasa ika-sampung Oplan Galugad ang isinasagawa sa NBP na ang walo ay sa maximum security compound at dalawa sa medium security compound.
- Latest
