Truck nanuwag: 3 utas
MANILA, Philippines – Tatlo katao ang nasawi habang walo ang nasugatan nang suwagin ng isang truck ang tatlong sasakyan sa kahabaan ng National Highway, Barangay Busay, Daraga, Albay kamakalawa ng hapon.
Kinilala ang mga nasawi na sina Carol Lopez; Tomas Tognopo; isang Italian national na driver ng Montero at isang alyas Juvan, pahinante ng truck.
Ang nasugatan ay dinala sa mga iba’t ibang pagamutan sa Legazpi City.
Batay sa ulat ng pulisya, dakong alas-2:20 ng hapon nang mangyari ang aksidente ng ang truck (WKC – 634) na mimamaneho ni Samson Loterte nang mawalan ito ng kontrol sa manibela at nasuwag ang isang pampasaherong jeep (EVR-343) na minamaneho ni Warren Magdasoc at Montero na minamaneho ni Togpolo sakay si Lopez at Isuzu Wing van (HUR-841) na mimamaneho ni Efren Bacosa.
Namatay noon din sa loob ng kanilang sasakyan sina Togpolo at Lopez habang ang driver ng truck na si alyas Juvan ay namatay din nang maipit ito.
Nahaharap sa patung-patong na kaso si Loterte na kasalukuyang nasa kostudya ng pulisya.
- Latest
