5 intsik tiklo sa P50-M shabu

MANILA, Philippines –  Limang Chinese national ang nadakip sa isang buy bust operation sa Congressional Road kanto ng EDSA, Quezon City, kahapon ng alas-6:00 ng umaga.

Kinilala ang mga naarestong suspek na sina  Xiong Bun Sy, 33; Alexander Go Jua, 57; Chang Cheng Xu, 41; Guo Weng, 46 at isang inaalam pa ang pangalan na pawang mula sa Fukien, China at nakatira sa magkakahiwalay na lugar sa Metro Manila na nasamsaman ng 10 kilo ng shabu na nagkakahalaga ng P50 milyon.

Sakay ang mga suspek ng dalawang kotse na kulay silver na Toyota Altis (ZRW-851) at isang kulay puti na Hyundai Accent (ABG-6547) nang dumating sa lugar at dito na sila inaresto.