Sigla ng Caloocan ibabalik ko! - Recom
MANILA, Philippines – Dahil pinabayaan at hindi man lang kinalinga ng kasalukuyang liderato ang Caloocan City ay nais muli ni Caloocan City 1st District Congressman Atty. Enrico “Recom” Echiverri na ibalik ang sigla ng lungsod sa muling niyang pagtakbo bilang alkalke ng lungsod sa darating na May 2016 election.
Kasama ni Echiverri sa paghahain ng kanyang kandidatura kahapon ang buong line-up niya sa ilalim ng Nationalist People’s Coalition (NPC) matapos kumalas sa Liberal Party.
Sinabi ng nagbabalik na alkalde, na kulang na kulang sa ngayon ang pagtutok ng kasalukuyang pamunuan sa pagbibigay ng de kalibreng health services, livelihood opportunities, trabaho at konsultasyon sa bawat komunidad.
Ipinagmalaki pa nito na sa kanyang siyam na taong panunungkulan bilang alkalde ng lungsod ay halos 95 porsiyento ng mga kalsada sa buong Caloocan City ang kanyang naipagawa bukod pa sa mga kilo-kilometro kanal habang libu-libong residente rin ang nabigyan nito ng maayos na proyektong pang-kalusugan at magandang trabaho.
Bukod sa kilo-kilometrong kalsada na kanyang napagawa, nagdagsaan din ng sangkatutak na health centers, covered courts, school buildings at multi-purpose building na ngayon ay pinakikinabangan ng mga taga-Caloocan.
Sa hinaing ng mga residente, tanging ang pagpapatayo ng mga bagong gusali ang pinagkakaabalahan ng kasalukuyang administrasyon kaya’t napabayaan na nito ang pagbibigay ng napakahalagang basic services.
- Latest
