80–anyos lola ni-rape slay ng akyat-bahay
TUGUEGARAO CITY, Philippines - Duguan at pinaghihinalaang hinalay muna ng mga lango sa drogang akyat-bahay ang isang 80-anyos na lola na natagpuang hubad at naliligo sa sariling dugo sa kanyang kama sa Barangay Pattao, bayan ng Buguey, Cagayan kamakalawa. ?
Ayon kay PO2 Darwin Ponce, tadtad ng saksak sa mukha at katawan ang biyudang si Francisca Pedro kung saan walang damit pang itaas nang madiskubre sa kanyang kuwarto dakong alas-7 ng umaga.?
Nabatid na nag-iisa lamang sa bahay ang matanda nang pasukin ng mga adik na akyat-bahay.
Ayon pa sa police report, nawawala ang bag na naglalaman ng kanyang ATM card at iba pang privilege card na pinaniniwalaang tinangay ng mga kawatan na lumabas sa pintuan sa kusina.?
Patuloy pa rin na sinisiyasat ng pulisya ang brutal pagpaslang sa matanda.
- Latest
