Misis kinatay sa 5/6

MANILA, Philippines – Ang malaking tubo sa pagpapautang ng isang ginang sa negosyo nitong 5/6 ang mitsa umano ng pagpatay dito ng hindi pa kilalang suspek sa loob ng kanyang bahay sa bayan  ng Bato, Camarines Sur.

Ang biktima na natagpuang patay ay kinilalang si Maria Flororita, 47, residente ng nasabing barangay.

Batay sa ulat, bago natagpuang patay ang biktima ay narinig pa ng kapatid na kanyang kapitbahay ang malakas na sigaw nito na tila humihingi ng saklolo.

Mabilis na tinungo ng kapatid ang bahay ng biktima at nang pasukin ang bahay ay natagpuang wala na itong buhay.

Ang biktima ay nagtamo ng malalim na saksak sa kanyang tagiliran na lumagos sa kanyang baga na siyang dahilan ng daglian nitong  kamatayan.

Bukod sa pagbubusisi sa anggulong nagpapatubuan ng pera ang biktima sa mga magsasaka ay nag-iimbestiga pa ang pulisya sa iba pang anggulo  ng pamamaslang.