Mag-asawa pinatay sa harap ng anak
MANILA, Philippines - Dead on the spot ang isang mag-asawa matapos na sila ay pagbabarilin ng mga suspek na nasaksihan ng kanilang anak kamakalawa sa Calbayog City, Northern Samar.
Ang mga mag-asawang nasawi ay kinilalang sina Elmer Candido, 39 at at misis nitong si Rhea, 32 na Brgy. Capoocan sa nasabing lungsod.
Masuwerteng nakaligtas ang anak nilang 12-anyos na lalaki matapos na ito ay makatakbo nang makita na pinagbabaril ang kanyang ama’t ina.
Batay sa ulat, bandang alas-4:00 ng hapon ay galing sa bukirin ang pamilya nang harangin at pagbabarilin ng mga suspek ang mag-asawa na ilang distansya ang layo sa kanilang anak na kasunod nilang naglalakad kaya nagawang makatakbo.
Patuloy ang imbestigasyon sa motibo ng krimen.
- Latest