3 helper minasaker
MANILA, Philippines - Niratrat ng dalawang lalaki ang tatlong helper habang ang mga ito ay nagsusunog ng kable ng kuryente sa Bauan, Batangas kamakalawa.
Namatay noon din si Andres Sta. Rita, 37, habang idineklarang dead-on-arrival sina Isidro Peras, 39 at Domingo Marasigan alyas “Joelâ€, 32, pawang mga helper sa Brgy. San Teodoro, Bauan, Batangas.
Batay sa ulat, bandang alas-4:30 ng hapon habang nagsusunog ng kable ng kuryente ang mga biktima sa bakanteng lote na pag-aari ni Hermie Atienza sa nasabing barangay nang bigla na lang dumating ang dalawang lalaki na nakasuot ng bonnet.
Armado ang mga ito ng mahaba at maigsing baril at walang kaabug-abog na pinagbabaril ang mga biktima at saka tumakbo palayo.
Narekober sa lugar ng pinangyarihan ang isang bala ng AK 47; isang bala ng Cal 5.56 at isang bala ng cal 45.
Patuloy ang imbestigasyon ng pulisya kung sino ang mga suspek at ano ang motibo para patayin ang mga biktima.
- Latest
