Kayang labanan! - Jamby

MANILA, Philippines - Bagama’t hindi pi­nalad sa nakalipas na senatorial elections si dating senador Jamby Madrigal ay umapela ito sa mamamayan na makiisa sa pamahalaan sa paglaban sa baha lalo na ngayong panahon ng tag-ulan.

Anya, ang maliit lang na bagay tulad ng tamang pagtatapon ng basura ay malaking tulong dahil sa hindi na magbabara ang  estero at kanal.

Maging ang panga­ngalaga sa likas na yaman tulad ng hindi pagpuputol ng mga puno sa mga kabundukan ay isa nang malaking tulong sa gobyerno dahil wala nang magaganap na flashflood o pagguho ng lupa sa mga lalawigan.

Ipinaalala ni Madrigal sa naganap na baha sa Metro Manila kamakailan ay natuklasang nagbarang mga basura sa estero’t kanal.

Sinang-ayunan ni Madrigal ang obserbasyon ng Metro Manila Deve­lopment Authority at Department of Public Works and Highways na ang kalimitang pagbaha ay dahil sa walang pakundangan pagtatapon ng mga basura ng mamamayan.