Danish national natagpuang patay

MANILA, Philippines - Bangkay na nang ma­­­tagpuan ang isang 49-anyos na Da­nish natio­nal sa sofa ng kanyang inu­­upahang bahay ka­ha­pon ng umaga sa Olon­ga­po City.

Ang biktima ay naki­lalang si Soren An­dreasen, na nangungu­pahan sa #5 Gabaya St. Barangay Bar­retto, ng lungsod.

Hubad ang kalahating katawan at naka-underwear lang na nakahandusay sa kanyang sofa sa inuupahan nitong bahay.

Ayon kay Eduardo Acosino, caretaker ng pa­upahang bahay madalas umanong humihingi ng tu­long sa kanya ang biktima dahil sa pananakit ng kan­yang sikmura, subalit ayaw naman nitong mag­padala sa pagamutan sa kadahilanang kapos umano ito sa pera.  

Sinabi naman ng isang kasambahay nito na may labas-pasok umanong babae sa bahay ng biktima noong gabi at nag-aaway bago natagpuang patay ito kahapon.