Rapist arestado!
MANILA, Philippines - Arestado ang isang manyak na mister na nagtangka gumahasa at pumatay sa kanyang kapitbahay sa Navotas City, kahapon ng madaling-araw.
Naghihimas ngayon ng rehas at nahaharap sa kasong frustrated rape at murder ang suspek na si Arnel Jaime, 37-anyos.
Inoobserbahan naman sa Tondo General Hospital ang biktimang nagtamo ng tama ng saksak sa katawan na itinago sa pangalang Rosanna, kapitbahay ng suspek.
Ayon sa report, dakong alas-4:00 ng madaling-araw nang pasukin ng suspek sa kuwarto ang biktima at tutukan ng patalim. Nanlaban naman si Rosanna kaya inundayan ng sunod-sunod na saksak.
Nagawa pang magsisigaw ng saklolo ang biktima na narinig ng mga nagrorondang barangay tanod na rumesponde at siyang dumakip sa suspek na naka-brief na lamang.
- Latest
