Alex, JB, Eumir

Over 400 hundred athletes ang bumubuo ng latest Team Phl roster na inilabas ng Philippine Olympic Committee, two weeks bago ang opening ceremonies ng 2026 Asian Games sa Nagoya, Japan.

Kasama sa listahan si Alex Eala, Justin Brownlee at Eumir Marcial.

Siguradong mag-i-inspire ng lahat ang presence ni Eala sa Nagoya – ang kanyang ikalawang Asiad, susunod sa kanyang two-bronze show sa 2023 Hangzhou Games.

Nasa 12-man Gilas lineup si Brownlee, kahit naghihintay pa siya ng medical clearance upang tuluyang makasama sa Asiad title-retention quest ng Phl 5.

Kung hindi ma-clear sa kanyang health issues, walang choice si coach Tim Cone kung hindi ilaban ang mere 11-man lineup. Kalaban nila ang China, Kazakhstan at Bahrain sa group play.

Nanatili rin nasa Phl roster si boxer Eumir Marcial, kahit nakatakda siyang lumaban bilang pro fighter sa US, ilang araw bago ang simula ng Asiad boxing competition.

Ilang beses nang sinabi ni ABAP president Marcus Manalo na meron silang Plan B – ang pagpasok kay Weljon Mindoro bilang kapalit ni Marcial sa kanilang weight division.

Pero hanggang kahapon, si Marcial pa rin ang nasa seven-strong Phl boxing team kasama sina Carlo Paalam, Riza Pasuit, Aira Villegas, Nesthy Petecio, Junmilardo Ogayre at Norlan Petecio

Taong 1994 sa Hiroshima, tatlong boxers sa katauhan nina Onyok Velasco, Elias Recaido at Reynaldo Galido ang nagpasiklab at humugot ng gold medals.

Sa pagbalik ng Asian Games sa Japan, posibleng maulit ang gold blitz mula sa Phl boxing team lalo na’t galing sa strong showing sa last two Olympics.

Silver winners sina Paalam at Petecio, at bronze medalist si Marcial sa 2021 Tokyo Games, at bronze winners sina Petecio at Villegas sa 2024 Paris Games.

At hindi lang ang mga boxers ang inaasahan mag-deliver sa Nagoya.

“Maraming pwedeng paghugutan ng medals,” ani POC president Abraham “Bambol” Tolentino.