Hawks tambak sa Heat
Puro na sa conference semis
ATLANTA — Ipinoste ng top-seeded Maimi Heat ang lopsided na 110-86 pananaig laban sa Hawks para kunin ang 3-1 lead sa Game 4 ng kanilang Eastern Conference first round series
Nanguna sa opensa ng Heat si Jimmy Butler na kumayod ng 36 puntos para ilapit ang kanilang kampanya sa semis conference series.
Pinigil ng Miami ang si Trae Young sa siyam na puntos lamang sa 3-of-11 shooting kung saan tatlo rito ang kinamada niya sa arko.
Nagdagdag pa si Butler ng 10 rebounds, apat na assists at steals para sa Heat na hindi nakaasa kay Kyle Lowry na naupo sa bench dahil sa hamstring strain.
Tatangkain ng Heat na wakasan ang serye sa kanilang bakuran sa Martes.
Sa Chicago, umiskor si Giannis Antetokounmpo ng game highs na 32 puntos at 17 rebounds para ihatid ang nagdedepensang champion Milwaukee Bucks sa 119-95 panalo laban sa Bulls sa Game 4 ng kanilang Eastern Conference playoff series.
Gumawa rin ang Bucks star ng pitong assists na sinahugan ng dalawang supalpal para agawin ang 3-1 lead sa kanilang serye.
Nakakuha rin ang Bucks ng malaking tulong sa kanilang reserve na si Grayson Allen na naglista ng career playoff na high 27 puntos.
Ang Bulls, hindi pa nananalo sa home playoff game mula pa noong 2005, ay binanderahan ni Zach LaVine na may 24 puntos at 13 assists.
Sa Washington, Tumapos si Nikola Jokic ng 37 puntos para iiwas ang Denver Nuggets na mawalis sila ng Golden State Warriors matapos ang 126-121 panalo sa kanilang first round Western Conference series.
Nagsumite rin ang 27-anyos Serbian big man, ang NBA MVP noong nakaraang season, ng walong rebounds at anim na assists para ilapit ang Nuggets sa 1-3 agwat.
Sa New Orleans, umiskor si Brandon Ingram ng 16 sa kanyang 30 puntos sa third quarter para talunin ng Pelicans ang Phoenix Suns, 118-103 sa Game 4 ng kanilang serye.
- Latest