Banchero nag-ensayo sa Magnolia

MANILA, Philippines — Sumalang kaagad sa kan­yang unang ensayo para sa Magnolia si Chris Banchero kahapon isang araw matapos aprubahan ng PBA ang pag-trade ng Alaska sa kanya.

Kamakalawa sa sak­tong game day ng Aces kon­tra sa NorthPort Ba­tang Pier ay pinayagan ng PBA ang natu­rang palitan na nagtulak kay Banchero patungo sa Hotshots.

Bagama’t wala si Banchero ay nanalo ang Alaska, 106-99.

Naging kapalit ni Banchero, naglaro ng limang taon sa Aces buhat nang mapili bilang 5th overall pick noong 2014 PBA Rookie Draft, sina Robbie Herndon at Rodney Brondial.

Dalawang ensayo ka­agad ang sinalangan ni Ban­chero sa Ronac Gym sa umaga at hapon upang mapabilis ang pagkatuto ng Hotshots basketball.

Inaasahan ang mala­king tulong ni Banchero sa Magnolia na nasa git­nang bahagi ng 2019 PBA Governors’ Cup ta­ngan ang 4-4 baraha.