Caloocan, Makati at Marikina umiskor
MANILA, Philippines — Napanatili ng Caloocan Supremos at Makati Super Crunch ang kanilang mainit na ratsada, habang nakamit ng Marikina Shoemasters ang una nilang panalo sa 2019 MPBL Lakan Season noong Huwebes ng gabi sa Caloocan Sports Complex.
Tinadtad ng Supremos ang SOCCKSARGEN Marlins, 93-77, para sa kanilang ikaapat na sunod na panalo.
Kumolekta si Rene Pacquiao ng 15 points at 12 rebounds para sa 5-5 baraha ng Caloocan.
Nalasap naman ng SOCCSKSARGEN ang kanilang pang-walong sunod na kamalasan.
Samantala, inangkin naman ng Super Crunch ang 86-80 panalo laban sa Basilan Steel.
- Latest