Wagi ang Pasig, Mindoro at Basilan

MANILA, Philippines — Pinatumba ng Pasig Sta. Lucia Realtors ang Soccsksargen Marlins, 89-77, para sa kanilang ika­apat na sunod na pa­na­lo sa Maharlika Pilipinas Basketball League Lakan Season kamaka­la­wa ng gabi sa Pasig Sports Complex.

Sa pamumuno nina Je­ric Teng, Josan Nimes, Jeric Serrano at Robbie Manalang ay itinaas ng Realtors ang kanilang ba­raha sa 5-2.

Tumipa si Teng ng 25 points, 8 rebounds, 3 assists at 2 steals, habang nagdagdag sina Nimes, Ma­nalang at Serrano ng 19, 15 at 11 markers, ayon sa pagkakasunod.

Buma­ngon naman ang Mindoro Ta­ma­raws mu­­la sa 14-point deficit pa­ra res­bakan ang Bicol Volcanoes, 74-70.

Pinabagsak ng Basilan Steel ang Iloilo Uni­ted Royals, 78-74, tam­­pok ang 15 points ni Ir­ven Palencia kasunod ang 13 markers ni Daren Lunor.