Magnaye-Morada, Leonardo-Pomarang kampeon sa Prima Badminton C’ships
MANILA, Philippines - Napanatili nina defending champions Peter Gabriel Magnaye at Alvin Morada gayundin ng pares nina Alyssa Ysabel Leonardo at Thea Marie Pomarang ang kani-kanilang titulo sa doubles open classes ng 10th Prima Pasta Badminton Championship na ginanap kamakailan sa Powersmash Courts sa Makati City.
Inangkin nina Magnaye at Morada ang kanilang ikalawang men’s open doubles title matapos igupo ang pares nina national team member Anton Cayanan at Joper Philip Escueta, 21-18, 20-22, 21-17 sa finals.
Tinalo naman nina Leonardo at Pomarang, parehong Philippine team members, sina Joella Geva Ramos Devera at Aires Amor Montilla, 21-19, 21-19 para maidepensa ang women’s doubles open crown sa torneong sponsored ng Smart Communications at Babolat.
Sa iba pang doubles finals results, tinalo nina Ke-vin Llanes at Nestorjan Tapales ang pares nina Munir Bartolome at Rey Angelo Pedron, 21-9, 18-21, 21-15 para makopo ang boys’ doubles 15-under title habang iginupo nina Anthea Marie Gonzales at Angel Valle sina Clara Sofia Ignacio at Nina Pantig, 21-4, 21-4 para sa girls’ 15-under title.
Tinalo naman nina Jeno Carino at Kurt Vincent Maghirang sina Agustin Alvarez at Ralph Batalon, 21-19, 21-19 para sa boys’ doubles under-17 trophy habang pinabagsak nina Anthea Marie Gonzales at Mica Ibong sina Palma Assumpta Cruz at Alexis Nicole Santos, 21-11, 21-7 para sa girls 17-under title.
Pinabagsak naman nina John Matthew Bernardo at Michael Adrian Clemente sina Estarco Bacalso at Bless Linaban, 21-15, 21-13 para sa boys’ doubles Under-19 crown habang iginupo nina Mikaela Joy De Guzman at Chanelle Lunod sina Andrea Abalos at Dennise Silva, 21-3, 21-14 para sa girls’ 19-under trophy.
Mahigit 2,000 participants mula sa iba’t ibang dako ng bansa ang sumali sa weeklong tournament na sanctioned ng Philippine Badminton Association gamit ang Philippine National Ranking System.
- Latest
