Laoag makikisosyo sa ikalawang silya
MANILA, Philippines - Ipagpapatuloy ng Laoag ang hangaring makapasok sa semifinal round sa kanilang pakikipagsagupa sa University of the Philippines sa Shakey’s V-League Season 13 Reinforced Conference sa Philsports Arena ng Pasig City.
Haharapin ng Power Smashers ang Lady Maroons ngayong alas-6 ng gabi, habang kapwa target ng Air Force at BaliPure ang ikalawang panalo sa kanilang pagtutuos sa alas-4 ng ha-pon.
Magbabanggaan ang Champion Supra at 100 Plus sa alas-12:30 ng tanghali sa Spiker’s Turf Reinforced Conference.
Ang Laoag ay nasa ikatlong puwesto kata-bla ang Pocari sa pareho nilang 2-1 kartada at ilang agwat lamang ang layo mula sa nangu-ngunang University of Sto. Tomas na may 4-1 record kasunod ang Bureau of Customs na hawak ang 3-1 slate.
Kung mananalo ang Power Smashers ay tatabla sila sa Customs Transformers sa ikala-wang puwesto.
Hindi naman mala-yo ang layunin nina Gretchel Soltones, Jo-relle Singh, Aiko Urdas, Wenneth Eulalio at setter Relea Saet sapagkat mataas ang kanilang kumpiyansiya bunga ng kanilang 3-1 panalo laban sa Air Force Jet Spikers noong nakaraang linggo.
Sa ibang laro, pangu-ngunahan nina imports Katherine Morrell at Kaylee Manns ang Water Defenders na nagmula sa 26-24, 25-21, 25-21 panalo kontra sa Transformers noong nakaraang Miyerkules.
Inaasahan naman ng BaliPure ang magandang laban dahil ang PAF Jet Spikers na may 1-2 card ay kailangang manalo para manatili ang kanilang pag-asang umusad sa semis.
Samantala, tinalo ng Pocari Sweat ang UP Lady Maroons, 25-20, 25-17, 25-23, noong Sabado upang masungkit ang ikalawang panalo sa tatlong laban.
Ang Lady Maroons naman ay bumagsak sa kanilang 1-3 baraha at nanganganib sa kanilang kampanya.
- Latest