Malonzo absent muna sa Gilas Pilipinas dahil sa injury
MANILA, Philippines — Posibleng hindi na muna makalaro si Gilas Pilipinas standout Jamie Malonzo matapos dumaan sa operasyon.
Sasailalim si Malonzo ng anim hanggang walong linggong rehabilitasyon upang makarekober sa kaniyang operasyon.
Kaya naman posibleng hindi ito makasama ng Gilas Pilipinas sa oras na sumalang ito sa training camp sa Hunyo 22 sa Inspire Sports Academy sa Calamba, Laguna.
Paghahandaan ng Gilas Pilipinas ang partisipasyon nito sa FIBA Olympic Qualifying Tournament sa Hulyo na idaraos sa Riga, Latvia.
Ito ang magiging daan para makapasok sa 2024 Paris Olympics.
Nagtamo si Malonzo ng calf muscle injury sa kasagsagan ng kampanya ng Barangay Ginebra sa eliminasyon ng PBA Philippine Cup.
Malaking kawalan si Malonzo sa Gilas.
Sa Gilas Pilipinas stint nito ay nagtala si Malonzo ng mga averages na 6.5 points at 1.9 rebounds sa 2023 FIBA World Cup Asian Qualifiers, FIBA World Cup at FIBA Asia Cup 2025 Qualifiers.
Wala pang linaw kung makarerekober agad ito si Malonzo bago magsimula ang training camp ng Gilas.
- Latest
