Argentina at Venezuela pasok sa 2016 Olympics

MEXICO CITY – Nagposte si NBA vete­ran Luis Scola ng 18 points at 10 rebounds pa­ra ihatid ang Argentina sa 78-70 panalo la­ban sa Mexico sa semifinals ng FIBA Americas Championship at angki­nin ang isang tiket sa 2016 Olympic Games sa Rio De Janeiro, Brazil.

Nagdagdag si Facun­do Campazzo ng 15 points para sa Argenti­nians na nakabangon mu­la sa 11-point deficit sa Mexicans.

Ito ang ikaapat na su­nod na pagkakataon na maglalaro ang Ar­gen­tina sa Olympics at ipaparada ang natitirang dalawang miyembro ng koponang kumuha ng gold medal noong 2004 at bronze medal noong 2008.

Umiskor naman si Jor­ge Gutierrez ng 17 points sa panig ng Me­xico.

Samantala, nagsalpak si Gregory Vargas ng isang free throw sa na­titirang 0.3 segundo pa­ra itakas ang Vene­zuela laban sa Canada, 79-78, at makapasok sa 2016 Rio Olympics.

Tumipa si Windi Gra­terol ng 20 points, ha­bang may 19 si Heis­sler Guillent para sa unang paglalaro ng Ve­nezuela sa Olympics ma­tapos noong 1992 sa Bar­celona.

Nagtabla sa 78-78, na­kuha ni Vargas ang offensive rebound at na-foul ni Aaron Doornekamp bago tumunog ang final buzzer.

Naipasok ni Vargas ang una niyang free throw at sadyang imi­nin­tis ang ikalawa.

Nagtala si Kelly Olynyk ng 34 points at 13 rebounds para sa Canadian team na huling ku­mampanya sa Olympics noong 2000.