Nogueira, Cherry teammate sa Toronto
TORONTO -- Pinapirma ng Toronto Raptors sina center Lucas Nogueira at guard Will Cherry ngunit walang inihayag na terms ng kasunduan.
Lumaro si Nogueira, nakuha ang draft rights ng Toronto noong June, sa Raptors sa nakaraang NBA summer league sa Las Vegas kung saan nagtala ito ng 5.0 points at 5.8 rebounds sa 5-games.
Ang first-round pick mula sa Boston noong 2013 na si Nogueira ay lumaro sa Asefa Estudiantes sa Liga ACB sa Spain sapul noong 2009 kung saan nag-average siya ng 6.3 points, 4.1 rebounds at 1.6 blocks sa 18 games noong nakaraang season.
Lumaro naman si Cherry ng 18 games sa Canton Charge ng NBA Development League noong nakaraang season kung saan may average ito na 11.6 points, 3.7 rebounds at 4.5 assists.
Hindi na-draft si Cherry noong 2013 matapos ang four-year career sa Montana kung saan siya ay three-time All-Big Sky selection.
- Latest
