Tiket para sa NBA game mabibili na

MANILA, Philippines - Mabibili na simula nga­yong araw ang tiket pa­ra sa NBA Global Games Philippines 2013 na magtatampok sa pre­sea­son game ng Indiana Pa­cers at Houston Roc­kets na nakatakda sa Oktubre 10 sa MOA Arena sa Pasay City.

Ayon sa NBA at ng MOA Arena, dalawang ti­ket lamang ang pinakamaraming mabibili ng isang buyer maging ito ay sa mga ticket centers o sa internet sa mallofasia-arena.com o sa smtickets.com.

Ang pinakamurang ti­ket ay nagkakahalaga ng P550 para sa gallery o ge­neral admission seats.

Sumunod dito ay ang P4,200 para sa Section D o upper box at P8,400 pa­ra sa Section C o lower upper box.

Ang P27,000 ay para sa Premium B at ang p­a­tron seats o Premium ay nagkakahalaga ng P32,300 na may kasamang authentic NBA Glo­bal Phl merchandises.

“It’s different when you watch the NBA on te­levision than in an actual game here. It’s like we’re bringing the NBA expe­rience right in the Philippines,” pahayag ni Carlo Singson, ang NBA-Asia Philippines head, kaugnay sa panonood sa venue at sa telebisyon.