Hornacek kukunin na ng Suns bilang coach

MANILA, Philippines - Pinapanalisa na ng Phoenix Suns ang kasunduan kay Jeff Hornacek hinggil sa isang three-year contract para maging head coach, sabi ng league sources sa Yahoo! Sports.

Kasama sa kasunduan ang isang team option para sa ikaapat na taon, ayon sa sources.

Isang formal announcement ang gagawin sa Linggo.

Sinimulan na ng Suns at ni Hornacek ang pagbuo sa assistant coaching staff.

Isang assistant coach sa Utah Jazz, nakipagkita si Hornacek sa bagong Suns general manager na si Ryan McDonough at kina president Lon Babby at owner Robert Sarver noong nakaraang linggo sa Phoenix.

Naglaro ang 50-anyos na si Hornacek ng kanyang unang anim na seasons sa kanyang 14-year NBA career sa Suns at naging popular sa komunidad.

Mayroon siyang bahay sa Phoenix area.

Tangan ng Phoenix ang anim na first-round picks sa susunod na tatlong taon.

Nakipag-usap ang Suns kay Houston Rockets assistant J.B. Bickerstaff noong Biyernes at nakapulong din si dating Suns interim coach Lindsey Hunter.