Huling quarterfinals ticket pag-aagawan ng Perpetual Help at USCC sa V-League

MANILA, Philippines - Sasalang sa knockout game ang NCAA cham­pion Perpetual Help at CESAFI titlist University of San Carlos-Cebu sa pag­papatuloy ng Shakey’s V-League Season 10 First Con­ference ngayong ha­pon sa The Arena sa San Juan City.

Ang mananalo sa la­rong itinakda sa alas-2 ng ha­pon ang ma­kakasama ng walang talong National University, Adamson at Arel­lano sa quarterfinal round sa Group B.

May 0-2 karta ang La­dy Altas, habang 0-3 ang baraha ng Lady Warriors.

Huling laro ng Perpe­tual ay laban sa Adam­son sa Linggo, pero wa­lang say­say na ito kung ma­tata­lo sila sa Cebuano team da­­hil ang ‘winner-over-the-other’ rule ang ga­­gamitin pa­ra basagin sa­kaling mag­ka­roon ng two-way tie pa­ra sa ika­apat at huling pu­westo na aabante sa ligang inor­ganisa ng Sports Vi­sion ka­tuwang ang Sha­key’s.

Ang UST at Letran ang magtutuos sa tampok na laro sa alas-4 ng ha­pon at no-bearing na ito da­hil talsik na ang Lady Knights sa palarong may ayuda ng Accel at Mikasa.

Ang tinamong 17-25, 25-23, 23-25, 23-25, pag­katalo sa San Sebastian no­ong Martes ng hapon ang ikatlong sunod na ka­biguan ng Letran na nagsilbing tiket para mamahi­nga na.

Sakaling talunin nila ang UST (2-1), makakatabla ng Letran ang mata­ta­lo sa pagitan ng Lady Stags at La Salle Dasma­ri­ñas na maglalaban sa Ling­go.