Mas pipiliin ni Marquez na labanan si Bradley
MANILA, Philippines - Kung mabibigyan ng pagkakataon, mas pipiliin ni Juan Manuel Marquez na hamunin si world welterweight titlist Timothy Bradley, Jr. kaysa muling labanan si Filipino world eight-division champion Manny Pacquiao.
Sinabi ng 39-anyos na si Marquez (55-6-1, 40 KOs) na mas gusto niyang maagaw sa 29-anyos na si Bradley (30-0-0, 12 KOs) ang hawak nitong World Boxing Organization welterweight title.
“If we continue in boxing, of course I would be thinking about winning a fifth championship,†sabi ng world four-division titlist na si Marquez sa kagustuhang hamunin si Bradley. “I have not decided my future. For now I’m focused on my family.â€
Tinalo ni Bradley si Russian challenger Ruslan Provodnikov (22-2-0, 15 KOs), naging sparmate ni Pacquiao (54-5-2, 38 KOs), via unanimous decision noong Linggo sa Home Depot Center sa Carson, California.
Ang WBO belt ni Bradley ay kanyang inagaw mula sa 34-anyos na si Pacquiao galing sa kontrobersyal na split decision win noong Hunyo 9, 2012.
“Of course, going after the WBO title would be a possibility,†ani Marquez. “Why not go after a fifth title.â€
Ang planong pang-limang banggaan nina Pacquiao at Marquez ay inaasahang pag-uusapan sa pagharap-harap nila sa Abril 6 sa Macau kasama si Bob Arum ng Top Rank Promotions.
Sinabi ni Arum na magkikita sina Pacquiao at Marquez sa Macau para panoorin ang pro debut ni Chinese two-time Olympic Games gold medal winner Zou Shiming laban kay Eleazar Valenzuela (2-1-2, 1 KO) ng Mexico sa isang four-round flyweight fight sa Venetian’s Cotai Arena.
- Latest
