Knicks wagi sa Mavs
NEW YORK -- Umuuga ang basket at sumisigaw si Tyson Chandler sa direksyon ng Dallas bench.
Sinabi ni Chandler sa kanyang mga kakampi sa halftime na panatilihin ang kanilang perpektong rekord.
Ginawa naman ito ng mga Knicks nang kunin ang 104-94 panalo laban sa Mavericks para sa kanilang 4-0 marka.
‘’Tyson’s always vocal. In the locker room he was very vocal, just about not letting this one slip away from us,’’ sabi ni Carmelo Anthony, binanderahan ang Knicks mula sa kanyang 31 points.
Tumipa si reserve JR Smith ng 22 points para sa Knicks, ang tanging koponan na hindi pa natatalo sa NBA.
Ito ang unang 4-0 baraha ng Knicks matapos maglista ng 7-0 kartada sa 1993-94 season patungo sa NBA Finals.
Naglista naman si O.J. Mayo ng 23 points para saMavericks, napigilan ang three-game winning streak.
Naglaro ang Dallas na wala ang injured starters na sina Dirk Nowitzki at Shawn Marion.
Ang layup ni Mayo ang nagdikit sa Mavericks sa 86-90 sa 7:32 ng fourth quarter bago muling nakalayo ang Knicks sa pamumuno ni Anthony.
Sa Atlanta, umiskor si LeBron James ng 21 points, kasama ang mahalagang jump shot sa huling 13.6 segundo, para dalhin ang nagdedepensang Miami Heat sa 95-89 tagumpay laban sa Hawks.
- Latest
