ASTAF U19 meet magpapalakas sa grassroots program
MANILA, Philippines — Ang pagdaraos ng ASTAF U19 Asian Sepak Takraw Championships na inihahandog ng Philippine Sports Commission ay magsisilbing launching pad para sa agresibong grassroots development program sa buong bansa.
Ito ang sinabi ni Philippine Sepak Takraw Association, Inc. president Karen Tanchanco-Caballero.
“Since we will have new equipment and mats for the U19 Asian tournament, we will bring the old gear used in the 2019 30th Southeast Asian Games to five regional centers we have identified,” ani Caballero.
Ito ang magiging legacy project ni Caballero para sa pagpapayabong ng sepak takraw sa buong bansa.
Hahataw ang STAF U19 Asian Sepak Takraw Championships sa Nobyembre 26 hanggang 30 sa Rizal Memorial Coliseum.
Kabilang sa probinsyang pagbibigyan ni Caballero ng mga kagamitan ay ang Puerto Princesa, Palawan.
- Latest

















