Sarah at Richard, wala nang komunikasyon!
Ilang buwan na ang nakalilipas nang mapabalitang nagkahiwalay na sina Richard Gutierrez at Sarah Lahbati.
Ayon sa aktres ay hindi madali para sa dalawa nilang anak na sina Zion at Kai ang kanilang sitwasyon ngayon. “It’s not easy on any child but I’m here for them and they’re better. Well, of course it’s not ideal for the children. Let’s go back to the kids. But that’s life and that’ll be fine,” makahulugang pahayag ni Sarah sa Frontline Pilipinas.
Wala na umanong komunikasyon sa pagitan ng mag-asawa ngayon. Para kay Sarah ay maayos naman ang kanilang tungkulin ni Richard bilang mga magulang sa dalawang anak. “We’re good at parenting and we have… you know we are there for the kids. That’s all I’m gonna say,” giit niya.
Nakararanas ng online bashing si Sarah dahil sa diumano’y pagwawaldas ng pera aktres. Mayroong mga ispekulasyon na posibleng may kinalaman sa salapi ang naging sanhi ng paghihiwalay nina Richard at Sarah. Tinatawanan na lamang umano ng aktres ang kanyang mga nababasang komento sa social media. “We have to think, take things lightly or else puputi buhok natin, and hindi tayo magiging happy. So natutuwa ako sa lahat ng mga tumatawag sa akin ng Patron Saint of Waldas, as in natatawa ako. Everyday may comment about it. So sinakyan ko ng konti. I’m very proud to say that I’m good at saving, I’m good at finances. I’m working hard to provide for my children and for myself, my parents and helping my mom,” paglilinaw ng model-actress.
Lovi, high pa sa Hollywood projects
Isang malaking karangalan para kay Lovi Poe na makagawa ng isang international independent film. Kasamang magbibida ng aktres sina Seann William Scott, Johnny Simmons, Rob Riggle, Chance Perdomo at Andre Hyland sa pelikulang Bad Man. “I had the best time filming Bad Man. When I got the script, no’ng binasa ko, I was laughing. It’s such a beautiful script, not just to be part of this. Sobrang I just can’t believe. I’m so grateful. It has such an amazing cast,” nakangiting bungad ni Lovi sa mga nag-interview sa kanya.
Noong una ay nakaramdam ang aktres ng pagkailang sa mga nakatrabahong international actors. Halos hindi makapaniwala si Lovi na mapapabilang sa naturang Hollywood project. “When I entered the set, hiyang-hiya ako. I’m so intimidated kasi these are the people I watched, nakaka-intimidate. But then, they made me feel so comfortable. Everyone was so professional and ang saya. Hanggang ngayon I’m still on a high. Kasi no’ng ginagawa ko ‘yung project, I really enjoyed,” kwento niya.
Bukod sa Bad Man ay kabilang din si Lovi sa international project na The Chelsea Cowboy at My Sister’s Bones. Para sa aktres ay ibang-iba ang kalakaran sa paggawa ng isang international film kumpara sa paggawa ng local projects. “You can’t really compare. Of course, every production is different more than any. It’s not just because you want to compare how it is here and how is it there. It’s more of a production thing. Every director is different, everyone has their own style,” paglalahad ng aktres. Reports from JCC
- Latest
