"Thank you, Rabiya"

CEBU, Philippines — Dako ang pasalamat ni Miss Universe Philippines 2022 Celesti Cortesi ngadto kang MUP 2020 Rabiya Matteo. Kini kay niya pa, ang nahisgutan ang usa sa mga dakong rason nganong nisalmot siya sa nasundnong indigay sa kaanyag karong tuiga.

Suma pa niya, suod sila nga managhigala ni Rabiya. Ang plano gyud niya nga sa sunod tuig pa siya mosalmot sa MUP sanglit buot niya nga mangandam gyud niini.

Apan giingnan matud pa siya ni Rabiya nga dili gyud ma 100% nga maandam ang usa ka kandidata sa beauty pageant.

Busa ang angay matud pa nga buhaton ni Celeste mao nga iduso niya ang iyang application alang sa MUP ug dinhi na niya himuon ang angayang buhaton sa higayon nga madawat na siya.

"She was really telling me, ‘Go for it. Don’t think about it too much. You will never be prepared. You just have to send the application and then everything will follow.’" Paghinumdom ni Celeste.

Giisip niya kadto nga usa sa labing maayong tambag nga iyang nadawat ug iya gyung gisunod.

Mas gipili ang positibo

Move on na si Elmo Magalona sa mga isyu niya kaniadto ilabi na sa kontrobersyal nga relasyon nila ni Janella Salvador niadtong 2018.

Matud niya ngadto sa PEP atol sa launching sa Slay, ang digital magazine sa Star Magic, daghan gyung tawo nga musuway pagbira nimo paubos, busa inay mokomentaryo pa siya, nagpakahilom na lamang siya ug mas gilantaw na lamang ang umaabot.

Niya pa, bisan og unsaon pa niya, aduna ra gyud gihapoy dautan nga isulti ang mga tawo batok niya.

"Kapag pinakita sa iyo ang ganitong mga bagay, something na maganda, bakit ka pa titingin sa mga hindi maganda?

"I'm not saying na hindi ko nakikita [yung negativity], siyempre mayroon at ina-acknowledge ko yun.

"Pero imbes na mag-react or gaganti, mag-focus na lang tayo sa kung ano ang positive, kung ano yung nararapat sa atin."

Sa pikas bahin, gipadayag ni Elmo ang dako niyang pasalamat nga nalakip siya sa unang isyu sa digital magazine, ilabi na nga dili tanan ang nakaapil niini.

Ganahan sab gyud siya nga makauban ang mga taga Star Magic sanglit lahi ra sila ikatrabaho.

"Siyempre it's an honor, I'm super happy, grateful dahil, first of all, this is the first time in a long time na I've got to work with Star Magic again.

"Yung energy kasi and company of Star Magic people like my handler, iba't ibang handlers din ang kasama namin dun.

"And also Direk Lauren [Dyogi] himself was able to join our shoot.

"I'm very honored na napili ako dahil hindi lahat naman nakasama dito sa shoot."

Kasamtangang makita si Elmo sa romcom show nga Panalo o Talo: It's You!, sa Net 25.

Magul-anon

Nagbangutan si Coleen Garcia sukad niadtong Lunes gumikan sa kamatayon sa iyang iring nga si Anya. Espesyal kaayo matud pa ang maong iring sanglit regalo kadto sa iyang bana nga si Billy Crawford niadtong unang tuig sa ilang panag-uyab pa lang. Suma pa niya sa iyang post adtong Lunes, maayo na lang pud kay nakaabot pa ang ilang anak nga si Amari kang Anya, ug nakigduwa ug nasinati pa sa bata ang ka sweet sa maong iring. Kagahapon, nagpost si Coleen og hulagway kuha sa ilang bakasyon ug niya pa, kalimtan lang usa ang kamatuoran nga niadtong Lunes pa siyang nagpunay og hilak.

Ka alegre

Gikataw-an ni Kylie Versoza ang usa ka netizen nga nikomentaryo sa iyang post nga daw nagpasabot nga bigatlon siya. Kini human niingon ang maong netizen nga pipila ka semana pa lamang ang nilabay nakigbuwag si Kylie sa iyang uyab aduna na kini sikit sikit nga mga lalaki. Laughing emoji ang gitubag ni Kylie ug gi-tag ang mga lalaki nga gipasabot sa netizen nga iyaha diay'ng make- up artist ug hairstylist o glam team.

Kahayag

Nahugyaw ang netizens, ilabi na pageant fans human nagpost si Miss Universe 2021 Haarnaz Sandhu og hulagway niya nga nigamay na iyang nawong. Buot pasabot, ni-us-os na ang iyang timbang human sab siya gi-bash kay matud pa niburot human siya nakoronahan niadtong December. Ang wala masayri sa bashers mao nga aduna diay siyay balatian nga gitawag og celiac disease diin dili siya mahimong mokaon og wheat ug uban pang fiber foods. Apan sa usa sa mga hulagway nga gi-upload niya sa nilabay nga adlaw niingon si Haarnaz nga kinahanglan matud pa nga masinati ang kangiob aron makita ang kahayag. Kompleto niyang caption: You need to go through darkness to witness light and once it shines then it shines the brightest."