PSN Showbiz

Singing for papa

April 8, 2019 | 12:00am

CEBU, Philippines — “I’ve never been this confident in my singing not until I joined Sinulog Idol. Karon, mas confident nako nga mo audition og mga contests.”

Mao kini ang pabuhagay pa sa 18 anyos nga nagikan sa Punta Princesa, Cebu City nga si Kristina Kyla Dizon kinsa nahimong kabahin sa Sinulog Idol karong tuiga.

Gisaysay ni Kyla nga taud-taud na sab siya nga adunay ideya kabahin sa Sinulog Idol.

“Growing up, mag sige jud mi watch og Sinulog Idol and I told myself nga someday makaapil ra jud ko ana”, suma pa niya.

Sa diha nga naa na siya sa hustong pangidaron nga makaapil, matud pa niya nga kalit lang siya nga mitalaw. Mao nga karong tuiga, wala niya damha nga malakip siya sa motigi sa maong kompetisyon.

“Wala gyud sa akong plano but permi ganahan gyud ko. Kalit nga nawala akong confidence in singing. For years, I didn’t audition in any other competitions anymore. But when Sinulog Idol posted nga naay auditions, I joined. Niapil ko kay I want to sing again in a large crowd especially nga para pa jud ni Señor. Sto Niño and I want it to be a big milestone for me to achieve one of my dreams and luckily, nadala gyud ko”, siya misaysay sa Banat News Hugyaw.

Usa sab sa nakapadani nga dayunon ang iyang pag-apil sa maong gikahinamang kompetisyon matag tuig mao ang pagdasig sa iyang inahan nga si Mommy Amelina.

Maingon nga liwat si Kyla sa iyang inahan ug sa iyang anhing amahan nga si Allan Dizon kinsa mahiligon usab nga mokanta.

Aduna pa’y lawon nga rason ang pagsalmot ni Kyla sa Sinulog Idol.

“I lost my father at a very young age, I was very young that time pero I really felt the pain of losing my father. I grew up without a father, lisod kaayo kay I would always feel nga incomplete ko. But my mom became my father and mother and I am just so thankful to her. Bisag wala na si papa, in everything that I do, he’s my inspiration. He’s also the reason why I pursued this talent because he loves to sing and I know that he will be proud if makakita siya nga niapil ko og big contests like Sinulog Idol. He’s the one who keeps me going and motivates me every day”, siya miasoy.

Dakong garbo alang kang Kyla ang makaapil sa maong kompetisyon. Mao nga gipaningkamutan niya nga sa iyang pag-apil, dili siya mapakyas.

Maingon nga gipangandaman sab ni Kyla ang maong butang. Matud pa niya nga aduna siya’y sekreto nganong nasulod siya bisan og maingon niya sa iyang kaugalingon nga dili siya biritera nga klase sa singer.

“I think ako edge is that I have the biggest heart among them. In every song, I would always pour all my heart and never forget to have fun”, suma pa ni Kyla.

Sa usa ka buwan kapin sa dagan sa pagpangandam alang sa kompetisyon, alang kang Kyla, tipigan niya sa kinauyukang bahin sa iyang kasingkasing ang tanan nga panghitabo niini gumikan kay mao kini ang kasinatian nga dili gyud mamahimong kabayran og salapi.

“Matawag gyud siya nga unexpected journey but it will be one of the journeys in my life that I will never forget. It was very tiring, sa tanang workshops, sleepless nights, ang pressure sa competition and everything but maka ingon jud ko nga worth it kaayo tanang kakapoy because I learned a lot and I also gained a new family--a family where I share the same passion and found people that became my friends”, siya miingon.

Usa sa dili mahimong mahikalimtan ni Kyla ang mga gihatag nga mga pagtulun-an nga iyang nahagpat sa pagsalmot niya sa Sinulog Idol.

“I always listen to everybody’s advices. Bisan negative pa na, I know it will always help. It is very important to listen because no matter how far we’ve come, we need to grow and improve,” hirit pa niya.

Sayo man nga napapha si Kyla sa kompetisyon apan gikalipay niya nga nahimo siya nga parte niini.

“Being in the top 40 was unexpected so when they announced the top 12 and naapil ko, I was so happy. Very happy and thankful jud”, padayag pa niya.

Kun naa pa iyang amahan karon, mas ikalipay niini nga makita siya nga mipasundayag didto sa gimugna nga entablado sa Plaza Independencia.

“Proud kay ko sa akong kaugalingon. It’s important to believe in yourself first before other people. After Sinulog Idol, I can say that I am more confident this time, confident na kaayo ko mokanta in events and especially in school. I also became very interested in discovering and learning other genres. Mao nga thank you sa akong mama nga ni-push nako sap ag-apil. A big thanks sa Sinulog Idol for bringing out the best in me and for letting me come out again sa akong shell”, pagtapos pa ni Kyla.

FACTS:

Name: Kristina Kyla Dizon

Nickname: Kay/Kyla

Birthday: March 31, 2001

School & Course: University of the Visayas, Senior High School ABM

Height: 5’4

Weight: 69 kgs.

Genre: RnB

Favorite Color: Purple

Favorite Song: Someday

Winning Piece: Maghihintay Ako

Favorite Singer: Regine Velasquez