Ruru umaming hindi invited sa birthday party ni Gabbi
Bawal pa palang sabihin ang title ng bagong primetime teleserye ni Ruru Madrid dahil hindi pa final. Hindi pa yata nakarating kay Ruru ang memo ng GMA 7 noong Christmas Party ni Manila Cong. Yul Servo at Production 56 Artists dahil panay ang banggit nito ng title na Sherlock Jr.
Pangalan ni Ruru sa teleserye ang Sherlock. Tuwang-tuwa nga si Ruru dahil first title role niya ito, kaya sobra siyang focus sa lahat ng aspeto ng show.
Nag-double time siyang mag-workout dahil kailangan sa role niya ang malaking katawan. Nag-Keto diet din daw siya, kaya mas mabilis siyang pumayat.
Tinanong pala namin si Ruru kung bakit wala siya sa birthday party ng ka-love team niyang si Gabbi Garcia. Three words ang sagot ni Ruru na “Hindi ako invited.”
Sabi naman ng P.A. ni Ruru, may birthday dinner din si Ruru sa bahay nila dahil magkasunod ang kanilang birthday.
Isa si Gabbi sa kapareha ni Ruru sa Sherlock Jr., at sila rin ang love team sa MMFF entry na Meant To Beh.
Mother Lily at Direk Joey nagkaayos na
Marami ang natuwa nang makitang magkasama sina Mother Lily Monteverde at direk Joey Reyes dahil may mga sitsit na nagkatampuhan ang dalawa.
Ibig sabihin, walang hassle sa promo ng Recipe for Love na idinirehe ni direk Joey. Sina Christian Bables at Cora Waddell ang bida sa Regal Multimedia movie.
Ibig sabihin din tuloy ang mga project na gagawin pa ni direk Joey sa Regal. Pati nga ang pamangkin nitong si direk Mark Reyes ay magdidirek na rin sa Regal dahil sa ibinalita nitong, “Just came from a meeting of #Regal propositions. #themotherlily #filmmaking #2018movie.”
Ryza binigyan ng awardng OFWs sa pagmamaldita
Nanalo rin ng acting award si Ryza Cenon sa OFW Gawad Parangal 2017 para sa Ika-6 Na Utos. Kung ang mga kasama sa hit daytime program ng GMA 7 na sina Gabby Concepcion at Sunshine Dizon ay nanalo ng Best Actor at Best Actress respectively, si Ryza ay nanalong Best Supporting Actress.
Kung hindi kami nagkakamali, first acting award ito ni Ryza, kaya emotional sa kanyang pagpapasalamat.
Samantala, in five days, lalabas na ang full trailer ng Viva Films movie nina Ryza at JC Santos na Mr. & Mrs. Cruz. Si Sigrid Andrea Bernardo ang director ng pelikula.
Star Magic talents busy sa Pasko
May mga pelikula ang karamihan sa Star Magic talents kabilang sina Jericho Rosales na bida sa Siargao. Sina Jake Cuenca, McCoy de Leon, Elisse Joson, PJ Endrinal, at Onyo Pineda ay may Ang Panday. Sina Pia Wurtzbach at Daniel Padilla ay may Gandarappido: The Revenger Squad.
Sina Daniel Matsunaga, Thou Reyes, at Sue Ramirez ay mapapanood sa Meant To Beh at sina Maris Racal, Jameson Blake, Jon Lucas, Miho Nishida, at Jane Oineza sa Haunted Forest. Si Hannah Ledesma naman ay kasama sa All Of You. Sina Paulo Avelino at Rayver Cruz ay nasa cast ng Ang Larawan.
Dina balik-Super Ma’am
Bumalik sa Super Ma’am si Dina Bonnevie bilang ina ni Minerva (Marian Rivera). Pero ginaya lang ni Jackielou Blanco ang mukha ni Dina para malaman ang identity ni Super Ma’am. Mabuti at pinayagan siya ng ABS-CBN dahil parang may gagawin siyang teleserye.
Kasama na rin sa cast si Neil Ryan Sese sa Super Ma’am bilang isang Tamawo at mapapasama rin sa cast si Gil Cuerva.
- Latest
