Misis pinapatay ni mister
TUGUEGARAO CITY, Cagayan, Philippines – Nalalagay sa balag ng alanganing makulong ang 50-anyos na trader matapos itong ituro ng nadakip na suspek kaugnay sa pagpatay sa kanyang misis sa kanilang bahay sa bayan ng Diffun, Quirino noong Martes ng gabi.?
Ayon kay Quirino PNP Director P/Senior Supt. Andres Sinaon, nadakip ng mga operatiba ng pulisya ang suspek sa inilatag na follow-up operation subalit pansamantalang itinago muna ang kanyang pagkakakilanlan.?
Ayon kay Sinaon, itinuturo ng suspek ang mister na si Romulo Adauag na siyang nag-utos at nagbayad sa kanya para patayin sa saksak ang misis nitong si Nenita Adauag, 50.?
Gayon pa man, isinantabi ng mga imbestigador ng pulisya ang motibo ng pagnanakaw at sinusundan ang anggulong selos at love triangle sa kaso.?
Nabatid nakagagaling lamang magbakasyon mula sa London ang mag asawang Adauag na nagmamay-ari ng malaking hotel sa Santiago City, Isabela.
- Latest
