Mister bulagta sa suntok

CAMARINES NORTE, Philippines – Hindi na nagawang makaganti ng isang mister matapos itong mapatay sa suntok ng kanyang nakaaway na kapitbahay sa karinderya sa Barangay Poblacion, Iriga City, Camarines Sur kamakalawa ng hapon. Naisugod sa Lourdes Hospital ang biktimang si Weng Decano subalit makalipas ang ilang minuto ay namatay ito habang pinaghahanap naman ang suspek na si Unsoy Maestral. Nabatid na kumakain sa karinderya ang biktima nang lapitan at biglang suntukin ng suspek sa leeg. Agad na tumakas ang suspek na hindi alam na napuruhan niya ang biktima.