Sekyu tinodas

LEGAZPI CITY, Albay, Philippines — Isang security guard ang na­tagpuang tadtad ng tama ng bala sa katawan na nakabulagta sa isang liblib na lugar ng Sitio Gaway-gaway, Brgy. Lagta, Baleno, Masbate kamakalawa.

Kinilala ang biktima na  si Arnel Manlapaz alyas Ayeng­, 35, may asawa, isang security guard at residente ng na­turang lugar.

Bandang alas-9:15 ng gabi ng matagpuan sa isang liblib na lugar ang nakabulagtang bangkay ng biktima na tadtad ng mga tama ng bala sa katawan.

Narekober sa lugar ang mga basyo ng bala ng cal. 45 pistola na tinatayang siyang ginamit ng ’di-nakilalang suspek sa pamamaslang sa biktima.

Naghihinala naman ang pulisya na ang biktima ay tinambangan habang pauwi na sa kanilang tahanan at patuloy ang imbestigasyon sa kaso.