Junior Altas hangad ang No. 1 spot

MANILA, Philippines — Ang No. 1 spot at ‘twice-to-beat’ incentive sa Final Four ang hangad ng University of Perpetual Help sa pagharap sa San Sebastian College-Recoletos sa NCAA Season 99 juniors basket­ball tournament sa Filoil EcoOil Arena sa San Juan City.

Maghaharap ang Junior Altas (7-1) at ang Stag­lets (5-3) ngayong alas-8 ng umaga kasunod ang bak­bakan ng Jose Rizal Light Bombers (3-5) at Emilio Aguinaldo College Bri­­gadiers (3-5) sa alas-10 ng umaga.

Sa alas-12 ng tanghali ang salpukan ng Mapua Red Robins (6-2) at San Be­da Red Cubs (4-4).

Magkikita ang nagde­depensang Letran Squires (6-2) at St. Benilde Junior Blazers (3-5) sa alas-2:30 ng hapon at ang Lyceum Ju­nior Pirates (1-7) at Arellano Braves (1-7) sa alas-4:30 ng hapon.

Ang Per­pe­tual, Letran, Ma­pua at San Sebastian ang bumububuo sa Final Four.