Andrada Cup netfest papalo sa Jan. 6
MANILA, Philippines - Magsisimula ang palakasan ng bansa sa 2014 sa pag-arangkada ng 25th Andrada Cup Division 1 Junior Tennis Championships mula Enero 6 hanggang 12 sa Rizal Memorial Tennis Center.
Mga papasibol na batang tenista edad 18-anyos paÂbaba ang mga magtatagisan sa kompetisyong pinasimulan ng dating pangulo ng Philippine Tennis Association (Philta) at ngayon ay commissioner ng Philippine Sports Commission (PSC) noong 1989.
Mangunguna sa mga magsusukatan ng galing sa silver anniversary ng tennis event ay sina Eric Olivarez, Andrew Cano, Marcin Gonzales, Emmanuel Bacalaris, Jerome Romualdez at Stephan Suarez sa kalalakihan habang sina Mika Tampoco, Kim Iglupas, Katrina Orteza, Erika Manduriao, Mary Balce at Dominique Ong ang sa kababaihan.
Magiging makulay ang opening ceremony at tampok dito ay ang pagparada ng mga dating Andrada Cup champions.
“Halos lahat ng mga magagaling na tennis players ng bansa ay nakapaglaro sa Andrada Cup at ito ay ating ipakikilala uli,†wika ng 76-anyos na sports official.
Ang dating Parañaque Congressman na ngayon ay Mayor at Philta president na si Edwin Olivarez ay dadalo rin sa opening ceremony kasama sina PSC chairman RiÂcardo Garcia at ang Philta sec/gen Romeo Magat.
Mamimigay din ng mga t-shirts at mugs sa mga biÂsita at kasaling manlalaro si Andrada sa pagbubukas ng kompetisyon.
Hindi lamang sa Pilipinas kinikilala ang mga naiambag ni Andrada sa tennis dahil nanilbihan na rin siya biÂlang pangulo ng Asian Tennis Federation (ATF).
- Latest