Post-traumatic stress disorder
DOC WILLIE - Dr. Willie T. Ong (Pilipino Star Ngayon) - April 9, 2020 - 12:00am

Ang post-traumatic stress disorder (PTSD) ay nangyayari pagkatapos makaranas ng sakuna, delubyo, galing­ sa giyera, maholdap, maaksidente, ma-rape at ma­tin­ding pananakit.

Karamihan sa mga sintomas nito ay nagsisimula sa pagitan ng 2 linggo hanggang 3 buwan pagkatapos ng pangyayari. Walang laboratory test na maaaring makapagsasabi na may post-traumatic stress dis-order ang tao.

Pangkalahatang sintomas:

l Nahihirapang makisalamuha sa tao.

l Muling naiisip ang ganoong pangyayari.

l Nakararanas ng bangungot at flashback sa mga nangyari.

l Mabilis na tibok ng puso at paghahabol ng hininga.

l Umiiwas na maramdaman o mapag-usapan ang pangyayari.

l Umiiwas sa lugar, tao o gawain na konektado sa insidente.

l Pinipilit kalimutan ang masamang nangyari.

l Nababawasan ang interes sa pang-araw-araw na gawain.

l Nawawalan ng gana para isipin ang kinabukasan.

l Pagkakaroon ng abnormal sa personalidad.

l Hirap makatulog, magagalitin, wala sa konsentrasyon at matatakutin.

Paano gagamutin:

l Kinakailangan ng psychological counselling sa lalong madaling panahon.

l Kinakailangan na ang tagapayo ay may kasanayan at kinakailangan nito ng follow-up sa biktima na hindi bababa sa 6 na buwan.

l Inirerekomenda ang pagpapatingin sa isang psychiatrist kung kinakailangan.

PTSD
Philstar
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with