_ngayon
^

2 panganib

PILANTIK - Dadong Matinik (Pilipino Star Ngayon) - May 27, 2018 - 12:00am

Ngayon ay buwan na ng Mayo --

Ang dala ay samyo ng rosas at liryo;

At maging sa bayan at baryo

Sa loob ng bansa’y papawi sa gulo!

 

Dahil batid nating halos buong taon

Magulo sa lunsod sa bayan at nayon;

Kung wala ang Mayo sa buong panahon

Walang kasayahang sasaatin ngayon!

 

Alam nating lahat nasa buwang ito

Tao sa probinsya oo nga’t magulo --

Sila’y nagsasaya sa maraming dako

Sila’y nagsisimba’t sa pista’y dadalo!

 

Kung sumasapit na yaong takipsilim

Tunog ng kampana’y aliw sa damdamin;

Pagka’t orasyon na ang puso’t damdamin

Ay nagkukrus saan man abutin!

 

Sa mga barangay at mumunting nayon

May mga pistang ang tampok ay Patron;

Saanman magawi’t saanman paroon

Ay mabubusog ka’t mayroon pang pabaon!

 

Bukod sa paalay may Flores de Mayo

May nangangasiwang Hermana’t Hermano;

At sa huling araw magprusisyon dito

Mayroong Emperatres saka Constantino!

 

Ang ugaling ito sa mga probinsya

Ay patuloy pa rin ngayo’y ginagawa;

Kaya ang dalangin sa Poong Bathala

Magandang tradisyon ay huwag mawala!

DADONG MATINIK
Philstar
  • Latest
Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with