Payo sa mag-asawa

Dok, paano ko mapasasaya ang aking Misis? -- Ronnie

Ayon sa mga psychologists, iba ang hinahanap ng babae kumpara sa lalaki. Para sa mga kababa­ihan, ang pagmamahalan ay hindi lang tungkol sa sex. Sa mga babae, mas mahalaga ang emosyon at pagkarinyo. Gusto nila lagi na may sorpresang regalo tulad ng bulaklak, tsokolate, at mga text na “I love you”. Huwag din natin kakaligtaan ang mga birthday at anniversary. Kapag nalimutan mo ito ay siguradong lagot ka!

Paano naman ang mga lalaki? Ano ang nagpapasaya sa kalalakihan? Ayon sa mga eksperto, simple lang ang hilig ng lalaki. Gulatin mo si Mister sa pagsuot ng mga maiikling damit o nighties. Siguradong magiging masaya sila.

Dok, ano ba ang normal na haba ng ari ng lalakI? Niloloko ako ng kaibigan ko dahil maliit daw yung akin. -- Josh

Josh, walang kaugnayan ang haba ng ari sa ga­ling mo sa pagtatalik. Ayon nga kay Dr. Philip Cruz, “Hindi iyung haba ng lapis mo ang importante. Ang maha­laga ay kung paano mo ito sinusulat.”

Ayon sa mga doktor, ang haba na 3 pulgada (inches­) ay sapat na para sa sex. Mayroon isang pasyente na 1.5 inches lang ang haba ng ari pero kaya niya magpaligaya ng babae. Isa pang dapat tandaan Josh, ang naka-relax na ari ay sadyang maikli at malambot. Ang tunay na sukat ng haba ng ari ay kapag tumigas na ito.

Ang asawa ko po ay 26 anyos. Kasal na kami ng 4 taon. Noong una, madalas kaming magtalik. Ngunit ngayon ay may 4 na buwan na kaming walang sex. Bakit po kaya? Normal ba ang walang sex? --Gloria

Gloria, hindi normal sa mag-asawa ang walang sex. Kailangan ninyong dalawa na mag-usap ng masinsinan kung ano ba ang problema ni Mister. Bakit ayaw na niyang makipagtalik sa iyo? Baka naman lagi mo siyang sinesermonan at kinokontra sa usapan. O baka naman may bago na siyang kinahihiligan. Bantayan maigi si Mister at huwag papatalo sa ibang babae. Good luck!