Pagkontrol sa pertussis, pinaigting ng Quezon City LGU
MANILA, Philippines — Higit pang pinaigting ng Quezon City goverment ang kampanya para labanan at makontrol ang sakit na pertussis sa lungsod.
Ayon kay QC Mayor Joy Belmonte, naglaan ang lokal na pamahalaan ng P13 milyon sa pagbili ng bakuna at antibiotics para maibsan ang kaso ng pertussis sa lungsod.
Anya ang mga nabili ay higit na 3,500 vials ng 6-in-1 vaccine, 1,012 bote ng Azithromycin at 1,000 bote ng Clarithromycin. Ang bakuna ay para sa mga batang may 6 na linggo ang edad na hindi pa nababakunahan laban sa pertussis.
“We have approved the purchase of needed vaccines and antibiotics so we can immediately provide the required medical attention to current cases and protect our QCitizens from further spread. We are planning to purchase more should the need arise, given that the national government has limited supply of the vaccines,” sabi ni Belmonte.
Bukod sa pertussis, sinabi ni Belmonte na ang 6-in-1 vaccine para sa mga bata ay bilang proteksyon laban sa Diphtheria, Tetanus, Polio, Haemophilus Influenzae, at Hepatitis B. Azithromycin at Clarithromycin na antibiotics para sa pertussis-positive patients.
Nitong April 5, iniulat ng Epidemiology and Disease Surveillance Division na may 41 Pertussis cases sa Quezon City, kabilang ang 6 na namatay.
Ang pertussis o whooping cough ay dulot ng bacterium bordetella pertussis at maaaring mailipat sa pamamagitan person-to-person respiratory droplets at expose sa mga infected o contaminated na damit, utensils, furniture at iba pa.
Patuloy na katuwang ng QC LGU ang Department of Health sa kampanya na maibsan ang pagdami ng kaso ng pertussis sa lungsod.
- Latest
