Cong. Yap, Gov. Dictas nanumpa sa Lakas-CMD

MANILA, Philippines — Pormal ng nanumpa sina Benguet Rep. Eric Yap at Benguet Gov. Melchor Diclas bilang bagong mga miyembro ng Lakas-CMD.

Mismong si Speaker Martin Romualdez ang nanguna sa oath-taking ceremony ng dalawang opisyal kahapon.

Bunsod nito, umakyat na sa 103 ang mga kongresista na miyembro ng partido.

Sinabi ni Speaker Romualdez na ang pagdami ng miyembro ng partido ay nangangahulugan ng mas malawak na suporta para sa administrasyon ng Pangulong Marcos Jr. Ani Speaker Romualdez, ang leadership, experience, at commitment para magsilbi sa mamayan ay sama-sama naming isusulong para suportahan ang agenda at layunin ng Pangulong Bongbong Marcos, Jr. para isulong ang vision ng Bagong Pilipinas.