P490 milyon kakailanganin sa pagsasaayos ng kalsada sa Boracay

MANILA, Philippines – Maglalabas ng higit sa P400 milyong pondo ang gobyerno para sa rehabilitasyon ng Boracay Island na kasalukuyang nakasara sa loob ng anim na buwan.

Sinabi ni Budget Secretary Benjamin Diokno na naglaan sila ng P490 milyon para sa pagpapagawa ng buong Boracay Circumferential Road sa Aklan.

Ang Department of Public Works and Highways ang mamamahalaga sa paggawa ng kalsada ngunit kinakailangan muna maaprubahan ng Office of the President ang pondo.

Ang naturang proyektong ay makatutulong upang maisaayos ang drainage at sewerage system ng isla para masolusyunan ang pagbaha sa lugar.

 “The DBM has allotted P50 million for the improvement of Boracay Circumferential Road in the 2018 General Appropriations Act and will augment an additional P490 million to fast-track project completion,” ani Diokno.

Ipinatupad ang kalahating taong pagsasara ng pamosong tourist spot sa buong mundo dahil sa dumi nito.

Marami ang tututol sa pagsasara ng Boracay sapagkat libu-libong empleyado ang mawawalan ng trabaho.

Nakahanda naman ang gobyerno, ayon kay Diokno, upang ayudahan ang mga apektadong manggagawa.

Related video: