^

Taas singil sa kuryente ‘di agad maipapatupad - ERC

Mer Layson (Pilipino Star Ngayon) - April 22, 2014 - 12:00am

MANILA, Philippines - Nilinaw ng Energy Regulatory Commission (ERC) na hindi agad makapagpapataw ng dagdag na generation charge ang Manila Electric Company (MERALCO) kahit pa tuluyan nang magtapos ngayong Martes ang Temporary Restraining Order (TRO) na ibinaba ng Korte Suprema.

Paliwanag ni ERC Executive Director Atty. Francis Juan, hindi kaagad maipatutupad ng MERALCO ang nakabinbing umento sa generation charge dahil kaila­ngan pa nitong hintayin ang recalculation ng Philippine Electricity Market Corporation (PEMC) sa halagang kailangan nilang bayaran sa Wholesale Electricity Spot Market (WESM) noong Nobyembre.

Ang naturang kalkulasyon aniya ang siyang magiging basehan sa pag-compute ng MERALCO sa December generation charge nito.

Sa pagtaya ni Juan, matatapyasan pa ang taas-singil sa generation charge ng mahigit 70% kumpara sa halagang pinigil ng korte.

Hindi pa naman tiyak kung hindi na nga palalawigin pa ng SC ang mapapasong TRO ngunit sinabi ni Juan na sakaling hindi na nga ito palawigin pa ay aatasan nila kaagad ang PEMC na gawin sa lalong madaling panahon ang recalculation upang matukoy ang dapat bayaran sa MERALCO.

 

ENERGY REGULATORY COMMISSION EXECUTIVE DIRECTOR ATTY FRANCIS JUAN KORTE SUPREMA MANILA ELECTRIC COMPANY NILINAW PHILIPPINE ELECTRICITY MARKET CORPORATION TEMPORARY RESTRAINING ORDER WHOLESALE ELECTRICITY SPOT MARKET
  • Latest
Latest
Are you sure you want to log out?
X
Login

Philstar.com is one of the most vibrant, opinionated, discerning communities of readers on cyberspace. With your meaningful insights, help shape the stories that can shape the country. Sign up now!

FORGOT PASSWORD?
SIGN IN
or sign in with