25 ka driver sa Mandaue gipasakaan og kaso
CEBU, Philippines — Gipasakaan og kaso sa siyudad sa Mandaue ang 25 ka drayber nga nakahimo og kalapasan sa lagda sa trapiko.
Ang mga traffic enforcer sa Traffic Enforcement Agency of Mandaue (TEAM) adunay giluwatan nga citation ticket sa mga violators nga maoy basehan alang sa ilang pagbayad og multa.
Apan ang maong mga driver wa magpakabana sa giisyu nga citation ticket sud na sa taud taud nga panahon.
Kini maoy naka-aghat sa mga otoridad sa pagpasaka og kasong criminal ngadto sa Legal and Investigative Division sa Traffic Enforcement Agency of Mandaue (TEAM) tungod kay nagmagahi man kini sa pag settle sa ilang mga traffic violations.
Ang maong mga kaso gisang-at na didto sa Mandaue City Prosecutor's Office niadtong miaging adlaw.
Nasayran gihingusgan karon sa TEAM ang pagsang-at og kaso tungod sa giingong kadaghan sa mga badlungon nga mga drivers ug dili manumbaling sa ilang nadawat nga citation nga mao unta ang nagsilbing silot kanila pinaagi sa ilang pagbayad og multa. (BANAT NEWS)
- Latest
