Paglilinis ng bag at wallet

Paano maaakit ang good energy na pumasok sa iyong wallet kung puno ito ng basura. Kung minsan ay buong puso mo pang iniingatan sa bag ang tissue na nasingahan mo na pero hindi naitapon kaagad dahil wala kang basurahan na makita nang oras na iyon.

Pagkatapos tanggalin ang mga basura, kumuha ng malinis na telang malambot at basain. Ito ang ipangpunas sa bag. Magsindi ng tatlong incense stick sa tabi ng bag at wallet upang matanggal ang “panis” na energy na namamahay dito.

Maghanap ng larawan ng beach kung saan kalmado ang dagat at nakikita ang maliwanag na kalangitan. Ang larawang nabanggit ay itago mo sa iyong wallet/bag upang makaakit ito ng good and prosperous energy. Magtago sa wallet ng feng shui coins/Chinese coins para makaakit ito ng mas maraming pera sa iyong buhay.