Problema ang mga peklat

Dear Vanezza,

Bata pa lang po ako ay marami na akong peklat. Nakuha ko po ang mga peklat ko sa kagat ng lamok at sa aking kalikutan sa paglalaro. Hanggang ngayon ay hindi pa rin po nawawala ang mga peklat ko. Tuloy po, hindi ako makapag-shorts. Totoo po bang mayroong doktor na nagtatanggal nito? Saan po kaya ako puwedeng magtanong at mahal po kaya ang presyo? - Pabebe

Dear Pabebe,

Sa panahon ngayon na napaka-moderno na ay hindi na malaking problema ang mga pagpapaganda basta’t may pambayad ka. Marami ng doktor ang nagpapakadalubhasa para gumagawa nito, nagagawang mapakinis at mapaputi ang balat ng isang tao. May mga one-stop beauty clinic na rin kahit sa mga mall. Ang mabuti ay kumonsulta ka sa mga beauty expert at sila ang magrerekomenda sa’yo kung ano ang mabuti sa problema mo. Higit sa lahat, ang kabutihan ng kalooban ang pinakamahalaga pa ring sangkap ng kagandahan ng isang tao. Ang panlabas na anyo ay kumukupas subalit ang magandang ugali ay ‘di malilimutan kahit ikaw ay wala na.

Sumasaiyo,

Vanezza