Anong Pandispley ang Magdudulot ng Away?

Mag-ingat sa mga ididispley sa salas at sa iba pang bahagi ng bahay dahil maaari itong magdala ng mga kaaway sa inyong buhay.

1—Huwag magdispley ng halaman sa bintana ng bahay. Ang bintana ay dinadaanan ng hangin. Ito rin ang nagsisilbing “mata” ng bahay. Kung may nakapatong na halaman dito, nahaharangan ang “mata” at papasok na hangin or energy. Ang resulta ay inggitan at awayan sa mga nakatira.

2—Huwag magpapatong ng halaman, picture frame at iba pang bagay sa ibabaw ng headboard ng inyong kama. Mahina ang ating aura kapag natutulog kaya natatalo ito ng energy mula sa halaman at picture frame. Ang resulta ay mabilis tayong makakaakit ng negative people na magpapagulo sa ating nanahimik na buhay.

3—Huwag magdidispley ng mababagsik na hayop sa bahay at opisina—leon, tigre, etc. Magkakaroon ng hadlang upang mai-promote sa trabaho at tatalunin ng kalaban sa negosyo.