Leila at Ogie, ‘di mukhang mag-ama

Ngayon palang ay marami na ang nagpa-abot ng advance na pagbati kay Master singer-song-writer Ogie Alcasid sa pagdiriwang nito ng kanyang 30th anniversary sa music scene.

Sa Friday ay out ang ticket ng kanyang anniversary concert na mayroong title na OA na gaganapin sa Agust 24, 2018.

Kakaaliw ang isang wish ng ilang fans na dapat hindi lang si BansotMe ang isa guest sa anniversary concert kundi pati sina Ireneo at Irenea na mga parehong patok na roles ni Ogie sa Home Sweetie Home ng Kapamilya Network.

Imagine nga naman kung paano pagsasamahin sa iisang screen frame ang mga kuwelang characters ni Ogie sa OPM songs nito.

Samantalang ngayon pagdiriwang ng Father’s Day ay feature ang mag-amang Ogie at Leila Alcasid sa SM Shopmag na nag-share ng kanilang love at artistry sa music na hindi makakailang nasa dugo ng dalawa.

In fairness kay Ogie ay mukhang magkapatid lang sila ni Leila at wala sa itsura nito na 30 years na siyang bahagi ng OPM.